مرحبا حبيباتي
في پوست اليوم حابة احكيلكم عن إڤنت كنت فيه مؤخرا، وهو إڤنت اطلاق عطر جديد بالاشتراك بين عارضة الازياء والممثلة دار زوزوسفكي وبين جيمس ريتردسون ديوتي فري
الإڤنت كان بمحل كتير حلو في تل الربيع ، استقبلونا بصورة كتير حلوة والضيافة بتجنن
بعد ما اكلنا وشربنا وتصورنا بلشت العارضة دار زوزوفسكي تحكيلنا عن العطر الجديد واسمه
NYLon
وهو اختصار للكلمات نيويورك ولندن – نيلون
دار زوزوفسكي حكت انه العطر مستوحى من السفر ومن لندن ونيويورك لانه هي كتير بتسافر في نطاق شغلها اللي بميز العطر انه كتير منعش وبيجي بعلبتين صغار عشان يكون مناسب للسفر، والاشي اللي كمان مميز وكتير حلو في هاد العطر هو انه بيجي بريحتين
NYLon White
اللي هو اكتر منعش ومناسب للنهار
NYLon Black
اللي هو بيجي اتقل شوي ومناسب اكتر لليل وللسهرات
وبعطيكي ٣ امكانيات مش بس ٢، لانه ممكن كمان تخلطي الريحتين مع بعض وتحصلي على ريحة تالتة
رأيي في العطر: بسطلللللللل!!!! عنجدددددد كتييييير حبيته، متل ما دائما بقول انا ما بحب الروائح اللي بتميل للحلو، وبميل اكتر للروائح المنعشة واللي فيها ورود او فواكه منعشة (مش حلوة)، وريحة هاد العطر الجديد بالزبط هيك. منعشة كتير وبتدمني عليها
ممكن تشتري العطر حاليا بس في ديوتي فري جيمس ريتشردسون وبيجي في علبة واحدة بكونو فيها التنين، البلاك والوايت، وفعلا خفيفة وصغيرة وكتير ملائمة للسفرات او تخليها معك في الشنطة
الاشي اللي يمكن مش كتير حبيته هو تصميم العلبة، لانه كتير بسيط ومبين انه مكنش فيه كتير ابداع، بس الاهم هي الريحة اللي عنجد حلوة
راح اخليكم هلآ مع الصور وبشوفكم في الپوست الجاي
تصوير
اولج بلواوسوف
نتالي زريقر