هاي دارلييينغز

كنت مؤخرا في اكبر حفلة في البلاد اللي بعملوها شڤارتسكوپف پروفيشيونال كل سنة وهي من احلى وارتب الحفلات اللي بتصير في البلاد

للي ما بعرفوا هاي الشركة لمنتجات مهنية للشعر (حكيتلكم عن جزء من منتجاتها في هاد الپوست) وطبعا في خفلتهم كانت عروض الشعر بكلمة واحدة: واااااااو

ولهيك حبيت احكيلكم عنها واكيد طبعا افرجيكم شوية صور ;))) من الحفلة والعروض اللي كانت فيها

في البداية كان عرض افتتاح للمغنية انيا بوكشتين اللي بلشت العرض بطاقات كتير حلوة وايجابية

 وبعدين بلشو عروض الشعر اللي بلشو يطلعو عارضات  اللي كمان كانوا لابسات ازياء كتير حلوة وغريبة وكمان كانو مصممين الشعر يعملولهم تسريحات على المنصات بشكل مباشر

لهاد الاڤنت اخترت لوك كلاسي بس اضفت الادج اللي داىما بحب اضيفة في تسريحة الشعر الجدلة الصينية من ايدين الامورة قمر العجو اللي عملتلي كمان مكياجي لهاي السهرة. اللوك كان اوڤرول اسود مع ڤي عميق من قدام ومفتوح من الضهر (من موقع عديكا)، مع صندل اسود وجزدان ايف سان لورن احمر

في كل جزء من العروضات كان موضوع معين متلا مرة كان الموضوع قبلي ولهيك الازياء وتسريحات الشعر كانت مستوحاة من القباىل الافريقية متلا، في جزء تاني كان الموضوع المدينة ، وفي جزء تالت كان الموضوع الالوان ولهيك كل مرة الازياء والتسريحات اللي بعملوها كانت تتغير حسب الموضوع. الفكرة كتير حلوة ولزيزة والعروض كانت بتوخد العقل

طلعنا لمنطة الڤي آي پي ومن هناك شفنا المنصات من فوق، وكانت كمان عروض رقص بتجنن مع راقصين مهنيين وكل مرة بموضوع تاني كمان

بعدين طلعوا العارضات بين الناس ووقفوا لحتى نشوفهم التسريحات والملابس عن قريب

وكمان كانو الديجيز ڤيني ڤيتشي المعروفين عالميا بالموسيقى اللي بتجنننننن تبعتهم

وطبعا لا يغنى عن الاكل والشرب والرقص والدلال اللي وفرولنا اياه في هاي الحفلة، كتير انبسطنا

وفي النهاية اعطونا عدة منتجات الشعر من شڤارتسكوپف پروفيشيونال اللي حكيتلكم عنها في هاد الپوست كمان

راح اخليكم هلآ مع الصور وما تنسوا تتابعوني على الانستجرام لحتى تتابعوا يومياتي وتفاصيل اكتر عن الافنتات  اللي بروح عليها

بحبكم وبشوفكم في الپوست الجاي

ياسمين