مرحبا حبيباتي
خلال الاسبوع الماضي كنت في عيادة رونيت رفائيل في تل ابيب وعملت علاج تنظيف الوجه مع الاوكسيجين والاقنعة, وحابة احكيلكم رأيي وتجربتي مع العلاج لاني كتييير انبسطت هناك
في البداية دخلت المحل وتصميم العيادة كتير ستايل وحلو, الاضاءة رايقة وفي شمع اللي كتير بضيف دلال وهدوء للجو, والبنات اللي بشتغلو هناك استقبلوني بصورة كتير مرحبة وحلوة
مراحل العلاج
تنظيف الوجه من الميكاب والدهون
تنظيف الرؤوس السوداء
علاج الاوكسيجين لترطيب البشرة
تعقيم البشرة بعد علاج الاوكيجين وتسكير المسامات
اقنعة لترطيب واعطاء نضارة للوجه
انا دائما بعمل علاجات طبعا لتنظيف الرؤوس السوداء لانه بشرتي دهنية كتير, وهاي كانت اول مرة بتوجعش في العلاج وبتمتع فيه! ؛وكمان خلال العلاج خبيرة التجميل بتعمل مساج للوجه والاكتاف اللي هو اشي كتير لزيز ورواااااق عالاخر، والاشي الحلو انه بعد العلاج عادة يكون الوجه احمر ومنفخ بس في هاد العلاج بالذات كان الحمار والتنفيخ كتيييييير بسيط نسبيا وراح بسرعة
باختصار, بنصح جدا
الاشي الوحيد اللي ممكن يكون صعب وغير ملائم للكل هو سعر العلاج, لانه غالي نسبيا لعلاجات من هاد النوع
سعر العلاج هو 1190 شيكل, ولكن اللي بتعمل علاج عن طريق مدونتي بتوخد تنزيل 10%, اذا بتحبي تجربي العلاج او اذا عندك سؤال ابعتيلي ميل او رسالة على الانستجرام
بشوفك في البوست الجاي
ياسمين
جهاز التعقيم
قناع بعطي نضارة وحيوية للوجه
العيادة