Berlin Vintage Shopping List – تسوق فينتاج في برلين

ثقافة الفينتاج مش كتير رائجة عنا في الوسط العربي وغير محبوبة. الناس بتفكر, ليه اشتري اشي قديم؟ وليه تا البس اشي اللي لبسوه من قبلي؟ كتير عنا بفكرو انه ملابس الفينتاج منبوذة, وانه لبس الملابس المستخدمة او الفينتاج يدل على الفقر او القلة او حتى انها مقرفة لانها التبست على يد ناس تانية (بتعرفو انه في غسالة صح؟ صح). بس خليني احاول اغير رأيكم في ملابس الفينتاج واعطيكم اسباب مش بس انه تحبوها, وانما تدورو عليها

لسبب التميز – فكري فيها, اكم مرة شفتي نفس البنت او المرأة لابسة قطعة موجودة عندك؟ ووين راح تلاقي وحدة لابسة متل القطعة اللي انتي لابستيها اذا كانت فينتاج؟ بالاضافة الى انه التصاميم القديمة جدا مميزة بقصاتها واقمشتها والوانها ومش راح تلاقي زيها اليوم وين ما كان, ولهيك اذا كنتي بتحبي تكوني نادرة وفش زيك, البسي فينتاج

لسبب الحفاظ على البيئة – في عالم التكنولوجيا والتطور والتقدم السريع جدا اصبح التصدير والاستهلاك كمان كتير كبير وهاد الاشي موجود كمان في عالم الازياء. اذا احنا بنعيد استخدام قطع الفينتاج اللي كتير منها بتكون بحالة جيدة او حتى ممتازة, وهي صارت مصنوعة, هيك احنا بنخفف الطلب على القطع الجديدة وبنعيد استخدام المواد الموجودة بدلاً من انه تصير ثقل على الكرة الارضية, وبهيك كمان بنكون جدا مميزين وكمان بنساعد في عملية اعادة التدوير في العالم والحفاظ على البيئة

لاسباب تاريخية – كل قطعة فينتاج بتيجي من وقت تاني وعقد تاني متل العشرينات والخمسينات والسبعينات والستينات وغيرها, وكل واحد من هاي العقود بحكي تطورات وقصص مختلفة اللي بتترجم كمان في الازياء اللي جاي منها. عالم الازياء مش عالم سطحي وكل قطعة ممكن تمثل تاريخ متعلق بالسياسة والاقتصاد والتغيرات الاجتماعية اللي صارت بنفس الفترة, كلها موجودة في الازياء. ومتل ما التاريخ برجع على نفسه, كمان الموضة بترجع على نفسها, وايش احسن من الاصل؟

احترام تطور الازياء والتصاميم – جزدان شانيل فينتاج متلا, ممكن يسوى 4 او 5 اضعاف جزدان شانيل جديد انصنع في عام 2016. وهاد اولا لندرته, ببساطة لانه مش موجود متله. ولكن في كمان اسباب, كل تصميم بيجي من عالم المصمم بعد كتير شغل وتفكير وجهد كبير كتير, وصح انه عالم الازياء دائماً بتجدد وولا مرة بنام, ولكن دائما في احترام لتطور المصمم والتصاميم والعملية اللي مر فيها لحتى يوصل الاسم اللي وصله, ولهيك اعماله القديمة مهمة تماما متل اعماله الجديدة اذا مش اكتر, وهي جزء لا يتجزأ منها

باختصار, الناس اللي عنجد بتحب الازياء, وعنجد بتحترم هاد العالم والتطورات اللي صارت فيه والابداع والجهود المبذولة فيه, بتحترم ملابس الفينتاج وبتعرف انه الها قيمة كتير كبيرة, وممكن حتى انها تكون قيمتها اكبر من الملابس الجديدة. وتسوق الفينتاج هو مش فقط تسوق وانما منظور صحي للحياة واعادة تقييم الامور

وهلأ بعد ما اتفقنا انه ملابس الفينتاج سوبر فان ومميزة وستايل اخو الشلن, خليني اعطيكم قائمة بمحلاتي المفضلة لتسوق الفينتاج في برلين

Sing Blackbird – Sander Str. 11

بوتيك ومقهى (خضري) صغير بين نيوكلن وكرويزبرج, عادة اغلى شوي من محلات الفينتاج المتوسطة, لانه ممكن تلاقو فيه قطع مصممين مميزة, ولكن اذا كانت القطعة مناسبة الك, فهي بتستاهل السعر

Made in Berlin – Neue Schönhauser Str. 19

لهاد المحل في فرعين, انا كنت في الفرع الموجود في نيو شونهاوسر, المحل كتييييير كبير ومكون من طابقين, وملااان الوان حلوة من عدة عقود. ملابس مميزة لاقصى الدرجات وللناس اللي عنجد بدهم يعملو شو واااو, انا شخصيا بحب الاختيارات الجريئة والالوان في الملابس ولهيك لقيت حالي بلف هناك ساعات, وطبعاً طلعت مع اكياس مليانة ملابس فينتاج, ولكن ممكن يكون شوية غالي في الاسعار نسبياً لاسعار الفينتاج

Repeater – Pannierstrasse 45

مع انه صاحبة المحل كانت مش كتير لطيفة:)), ولكن ريبيتر هو المكان المفضلللل عندي وشريت من هناك عدة قطع. ممكن تلاقي فيه جاكيتات كتير حلوة ومميزة, بناطيل جينز ليفايس كتير نادرة وصعب تلاقيها اليوم, كمان عندهم قطع جديدة نسبياً من شركات تشيب ماندي ومونكي

LeMagass – Reuterstrasse 59

دكان صغير ومميز, ومبين انه كل قطعة فيه تم اختيارها بعناية كبيرة. ممكن تلاقي فيه قطع كتير حلوة وحتى قطع فينتاج لمصممين متل ارماني جينز

Humana Second Hand and Vintage

هومانا هي سلسة متاجر فينتاج وملابس واكسسوارات مستعملة في برلين, الدكان كتير كبيرة وفيها كتير قطع ولهيك بدها شوية صبر وطولة روح لحد ما تلاقي القطعة اللي تعجبك. ولكن نسبياً كتير رخيصة وممكن تلاقي فيها قطع مميزة. انا شخصياً كنت في الفرع الموجود في شارع الكساندر ستراسي, بس كمان اذا كنتو في برلين ممكن تدورو في جوجل وتلاقو اقرب فرع على المنطقة الموجودين فيها

شوفو جزء من قطع الفينتاج اللي شريتها في برلين, التفاصيل بعد الصور

One of my favorite things in Berlin is vintage shopping. Berlin is known for its amazing and unique vintage stores, where you can find some really good bargains and get a very special look every time. So I decided to give you my list of favorite Berlin vintage stores, here we go:

1 – Sing Blackbird – Sander Str. 11

Sing Bkackbird is small vintage botique with a vegan coffee shop. In this place you can combine the joy of shopping and having a good coffe afterwards. It’s a bit more expensive than the average vintage pricing but it’s totally worth it because you can find some great designer items.

2 – Made in Berlin – Neue Schönhauser Str. 19

They have 2 stores, I was in the one Neue Schönhauser Str. The store is huge (2 floors) and full of really unique and colorful vintage items from different decades, you can find 80’s jackets, 50’s dresses, 7o’s styles and so much more. All the colors and unique cuts are totally me so I found myself spending hours between the pretty clothes and obviously purchased some goodies. It could be a bit more expensive than the average vintage pricing though.

3 – Repeater – Pannierstrasse 45

Even though the owner of the place wasn’t so nice:)) but the store had many cool items to offer. You can find some rare Levi’s vintage jeans, amazing jackets and special items. The store also offers newer items like Monki and Cheap Monday jeans.

4 – LeMagass – Reuterstrasse 59

LeMagass is a small and cute store where you can see that each item was picked carefully and has its own flare, and if you’re lucky, you can find designer pieces like Aramani.

5 – Humana Second Hand and Vintage

Humana is a huge chain store and has different branches around Berlin. It offers both second hand and vintage clothes, but since the place is huge and packed, you need to be patient while looking for your perfect items. Its also relatively cheaper than other stores, personally I was in the Alexander str branch and managed to get this amazing 80’s green leather jacket, wool checked trousers and a delicate jumper.

Check out some of the vintage items I got in these stores, details after the photos

Cheerz

Yasmine