هاي دارلينغز

في هاد الپوست حابة احكيلكم عن تجربتي مع منتجين من شركة آيزنبرچ باريس وهي عطر “آي آم” الجديد وكريم الوجه انرجي اور

 خليني ابلش من العطر اللي هو جزء من مجموعة

L’ART DU PARFUM

وهي فكرة جديدة تمزج ما بين العطور والفن. جوزيه ايزنبرج كان كامل من العاطفة للفن. كطفل، كان مفتون بشكل خاص من النحت والرسم، ولكن الفن صار محور حياته فقط في سن العشرين، لما اندهش من جمال بيازا دي لا سيغنورا في فلورنسا

كتعبير عن جوهر الحياة والحساسية والهيبة والجمال … جوزيه آيزنبرغ توجه إلى خواريز ماكادو، وهو شخصية رئيسية في الفن التشكيلي الحديث، عشان يترجم هاي المشاعر الى العطور. وكانت رحلة مثيرة وملهمة في عالم إيسنبرغ. الفن والعطور انمزجت في مفهوم واحد جريئ  الذي يعبر عن جوهر الحياة، الحسية والأناقة والجمال, ومنها عطر

I AM

 الوعد: العطر للامرأة الغامضة اللي كانت ميوز جوزيه, رائحة العطر مكونة من الكرز والتوت الأحمر، مع لمسات من الزهور الوردية والياسمين, وتصدرتها زهور ماغنوليا – وميزات الاساس الثابت من العنبر وخشب شجرة الصندل بتشد الرائحة الى الاغراء والشهوانية. اي ام هو رائحة الامرأة الرومانسية والعاطفية

رأيي في العطر: حبيته كتيييييييييييييييييييييييييييير! فعلا من يوم ما وصلني صرت استخدمه تقريبا بشكل يومي, الرائحة ناعمة كتير ولكن بجد حسيت فيها اشي مغري وجذاب, انا عادة بحب العطور اللي رائحتها تميل الى الورود المنعشة, بس هاد المزيج بين الفواكه والورود مع صلابة الخشب عنجد بتخلي رائحة العطر مميزة كتير. حسيت انه العطر يمزج ما بين ميزات الانوثة الرومانسية والحساسة وبين المرآة القوية المغرية٬ وهاد المزج كتير قريب على قلبي

كمان حبيت الرسمة (خليت العلبة عندي كمظهر, ما رميتها) والجانب الفني من العطر, التصميم بسيط وصغير من ناحية ومن ناحية تانية هاد الاشي بخليكي تقدري توخدي العطر معك في الشنطة او لسفر

للاسف هاد العطر ومنتجات ايزنبرج باريس متوفرة حاليا فقط في ديوتي فري, فاذا كانت عندك سفرة عن قريب استغلي الفرصة وجربيه

خلينا ننتقل للمنتج التاني اللي جربته وهو كريم الوجه من نفس الشركة, آيزنبرچ پاريس واسمه

Énergie Or

الوعد: كريم فاخر للعناية بالبشرة. يحتوي على الببتيدات المغلفة بطبقة رقيقة من الذهب الخالص والمغنيسيوم والزنك. يحمي الجلد من الجفاف. اساس ممتاز للماكياج. بمنح البشرة الكمية المثالية من الترطيب,ويوفر مزايا انتي اجينج (مكافحة الشيخوخة) ويعالج البشرة المتعبة ويوفر الحيوية

رأيي: من ناحية الترطيب, فعلا بعطي الاحساس بالترطيب وبعطي ليونة للبشرة, اللي حبيته بالكريم انه غير لزج والبشرة بتمتصه بسهولة, وفي رائحته وملمسه احساس من الفخامة والعلاج وكانك في كلينيك لعلاج البشرة

الاشي الوحيد اللي ما حبيته بالكريم هو انه بعد ما حطيت كريم الشمس فوقه, صار شوي يتكتل, مش عارفة اذا المشكلة كانت بالكريم نفسه او كريم الشمس اللي بستعمله

كمان هاد الكريم ممكن تحصلوا عليه في ديوتي فري

بتأمل اني فدتكم بتجربتي مع هاي المنتجات, واحكولي اذا بتجربوها وايش رأيكم فيها تحت في التعليقات

بشوفكم في البوست الجاي

ياسمين