هاي دارلينجز

في بوست اليوم حابة احكيلكم عن تجربتي مع منتجين من شركة شفارتسكوپف پروفيشيونال, اللي هي شركة رائدة لمنتجات الشعر وبتوفر علاجات متنوعة لمشاكل الشعر

بعتولي هاي المنتجات الجديدة من مجموعة BC Repair Rescue  لحتى اجربها واحكيلكم عن رأي فيها, وهي سيروم لعلاج الشعر المقصف والتالف

المنتج الاول

BC REPAIR RESCUE NUTRI SHIELD SERUM

الوعد: سيروم علاج مزدوج, بوفر علاج وحماية للشعر من اجهزة تصفيف الشعر لدرجة حرارة تصل الى 220. السيروم يعمل بتكنولوجيا الشعر الكاملة ريفيرسيلاين الي بتعطي الشعر لمعة وشعور خفة في الشعر, القصد انه بتقلش عالشعر

رأيي في المنتج: رائحة السيروم حلوة, اللي حبيته انه بجمع الخصل المتقصفة وبعمل مظهرها احسن, وبعطي الشعر لمعة حلوة

 اللي ما حبيته في المنتج انه  شوي بدبق عالشعر, محسيتش انه بعطي الخفة الموعودة

المنتج التاني

BC REPAIR RESCUE S.O.S ELIXIR

الوعد: سبري علاج سريع ل-3 مراحل في منتج واحد, بعبي من جديد مبنى بصيلات الشعر, بوفر غلاف حامي للشعرة وبمنح علاج متكامل للشعر

رأيي في المنتج: بعد عدة استعمالات السبري بعطي الشعد لمعة وخفة للشعر، وريحته حلوة. مكنتش بقول انه منتج مثالي لانه الفرق متوسط ومش ملحوظ لدرجات ممتازة، ولكن في نتيجة معينة منه وبعطي احساس عام انه الشعر بصير شوي اكتر صحي

منتجات شفارتسكوپف پروفيشيونال متوفرة في صالونات تصفيف شعر متعددة في البلاد، للمعنيات يعرفوا وين الصالون القريب عليكي ممكن تتصلي على الرقم

1-800-33-33-22

بشوفكم في الپوست الجاي

ياسمين